作者Allen | Qooah – 2016年12月1日 下午3:30
一般人選購手機時，手機輻射（電磁波輻射量）好少會成為考慮因素（相對上台灣民眾看來更關心），蘋果日報於去年就提到，「世界衞生組織早於二○一一年將手機釋出的電磁波輻射歸類為「2B級致癌物」，有可能對人體致癌；至於量度手機輻射，則以人體實際吸收的射頻能量水平、即「比吸收率（SAR）」為標準」。
不過咁，唔通為左避免電磁波輻射就唔用手機咩？玩少陣都唔得啦！但既然手機輻射對人體影響愈少愈好的話，睇下相關研究亦無妨啊！
最近法國科技網站 PhonAndroid 就做左一個測試，針對「十款最熱賣手機」（可以理解為於法國熱賣，唔係香港），比較其「SAR」值的高低， 要留意 SAR 係由歐盟定下的標準，但不少國家都有採用，好似美國就定明 SAR 標準值應在 1.6W/kg 以下，而香港採納的國際非電離輻射保護委員會（ICNIRP）建議， SAR 不可超過 2W/kg。
係所有測試型號之中，以 Samsung S7 edge 的 SAR 值為最低，只有 0.264W/kg，而緊隨其後嘅就係 ZenFone 3(0.278W/kg)、Galaxy A5 2016(0.290W/kg)。
值得一提， PhonAndroid 同時為列出最高 SAR 值的十款熱賣手機，當中 SAR 值最高兩位都係由華為包辦，分別係 Honor 8 (1.5W/kg) 同埋 P9 (1.43W/kg)，而 Apple 今年推出的 iPhone 7/ 7 Plus 就名列第 3,4 位。
不過，即使係最高 SAR 值的華為 Honor 8，都沒有超過美國 FCC 的標準，更加唔使講相對上更寬鬆的香港標準了。所以測試結果大家可以用作參考，但都唔需要過份擔心嘅。
資料來源
此文章原刊於 Qooah.com
沒有留言:
張貼留言